(१) यस नियमावली बमोजिम निरीक्षण, जाँचबुझ वा खानतलासी गर्दा वा नियम २५ बमोजिम कुनै उपभोग्य वस्तु रोक्का राख्दा निरीक्षण

अधिकृतले त्यस्तो वस्तुको नमूना लिनेछ ।

(२) उपनियम (१) बमोजिम उपभोग्य वस्तुको नमूना लिँदा निरीक्षण अधिकृतले परीक्षण वा विश्लेषण गराउने प्रयोजनको लागि आवश्यक मात्रामा नघटाई त्यस्तो उपभोग्य वस्तुको नमूना लिनु पर्नेछ ।

(३) उपभोग्य वस्तुको नमूना लिँदा निरीक्षण अधिकृतले त्यस्तो नमूना सम्बन्धित व्यक्तिलाई दिन, परीक्षण वा विश्लेषणको लागि प्रयोगशालामा पठाउन र कार्यालयमा समेत राख्नको लागि छुट्टा छुट्टै भाँडा भित्र राखी सिलबन्दी गर्नु पर्नेछ ।

(४) निरीक्षण अधिकृतले यस नियम बमोजिम प्रयोगशाला र कार्यालयमा पठाउनको लागि लिएको उपभोग्य वस्तुको नमूना बापत प्रचलित मूल्य सम्बन्धित व्यक्तिलाई दिनु पर्नेछ।